泉州有哪些童謠
泉州有哪些童謠
泉州童謠選錄
一 天黑黑
天黑黑，蔔落雨，
海龍王，蔔娶某。
龜吹蕭，鱉打鼓，
水雞扛橋目吐吐，
田嬰舉旗叫辛苦，
火螢擔燈來照路，
老鼠沿路打鑼鼓，
為著海龍王蔔娶某。
魚蝦水卒真辛苦。
二 拜月娘
拜月娘，拜月姐；
好頭毛，好嘴齒。
嘴齒通吃物!
頭毛通梳妝。
您是娘，阮是兒；
您是姐，阮是弟。
通舉刀仔，割阮雙畔耳；
刀仔利利，割阮無代；
刀仔鈍鉈，割阮無痕。
三 安舅來
安舅汝來我晦知；
我嘜掠雞來去臺(殺)。
雞猶細，換買蝦，
蝦細尾，換炊粿。
粿無熟，換買肉；
肉抹爛，換面線。
面線長，換買糖；
糖烏烏，換買大魚箍。
四 請外婆。
打鐵哥，打銅鑼。
買豬腳，請外婆。
外婆無嘴齒，
豬肚燉蓮子。
蓮子清又甜，
豆腐煮豆生。
豆生真幼嫩，
外婆吃了笑紋紋。
五 天上一塊銅
天上一塊銅，掉下來壓著人，
人要跑，壓著狗，狗要吠，
壓著櫃(石臼)，櫃要撞，
壓著經(廟)，經要起(蓋)，
壓著椅，椅要坐，
壓著被，被要蓋，
壓著鴨，鴨要鈦(殺)，
壓著死奴才，
死奴才不擔水，
抓去拆做四五腿。
六 指紋歌
一腡一坐座，二腡走腳皮，
三腡無米煮，四腡有飯炊，
五腡五花妝，六腡米頭全，
七腡七挖壁，八腡做乞吃，
九腡九上山，十腡去做官。
七 一螺一直坐
一螺一直坐，二螺撐腳蹄，
三螺無米煮，四螺學噴吹，
五螺偷挖壁，六螺做乞食，
七螺窮，八螺富，
九螺起大厝，十螺中進士。
八 月光光
月娘月光光，老公仔佇菜園，
菜園掘松松，老公仔欲種蔥，
蔥無芽，欲種茶，
茶無花，欲種瓜，
瓜無子，老公仔氣甲欲死。
九 數字歌
一的炒你蔥，二的炒你菜，
三的鏘鏘滾，四的炒米粉，
五的五將軍，六的人子孫，
七的七娘媽，八的人的仔(兒)
九的狗奴才，十的抓去宰。
十 一的碰米香
一的碰米香，二的炒韭菜，
三的強強滾，四的炒米粉，
五的五將軍，六的做大官，
七的跛在看，八的剩一半，
九的火燒山，十的蚵仔煮面線。
十一 新年歌
初一早，初二巧
初三困到飽，初四頓頓飽，
初五隔開，初六挹肥，
初七七元，初八原金，
初九天公生，初十有食食。
十一請囝婿，十二查某囝轉來拜，
十三食泔糜仔配芥菜，十四結登棚，
十五上元瞑，十六拆燈棚。
十二 點仔點
點仔點水缸，啥物人仔放屁爛尻川，
點仔點茶甌，啥物人仔下暗欲來阮兜
點仔點茶鼓，啥物人仔下暗欲娶某，
點仔點叮當，啥物人仔下暗欲嫁翁，
點仔點鉛筆，啥物人仔欲做白賊七，
點仔點滾水，啥物人仔就去做鬼。
十三 天頂一片五彩雲
天頂一片五彩雲，
海內一只火煙船。
阿爸田頭行，
阿母田尾巡。
看見麥穗加忍尊，
大家笑紋紋。
十四 十二生肖相歌
一鼠賊仔名，二牛駛犁兄。
三虎爬山坪，四兔遊東京。
五龍皇帝命，六蛇予人驚。
七馬走兵營，八羊食草嶺。
九猴爬樹頭，十雞啼三聲。
十—狗仔顧門埕，十二豬是菜刀命。
十五 戽蝦
戽(抓)蝦戽(抓)蛟蚤，
戽(抓)甲三升五米鬥。
大尾掠來科(煮)，
細尾放伊走。
走到大門口，
遇著一只胡須狗。
十六 坐牛車
坐飛機看天頂，
坐大船看海湧，
坐火車看風景。
坐汽車錢卡省，
坐牛車順續挽龍眼。
十七 好子兒
大雞公，咯咯啼，
做人的子著早起，
舉掃帚，去掃地，
提桌布，拭桌椅，
進學堂，勤讀詩，
敬老尊賢好教示，
老爸請註意文明用詞尚歡喜，
十八 放雞鴨，
一放雞，二放鴨，
三分開，四相疊，
五搭胸，六拍手，
七圍墻，八摸鼻，
九扭耳仔，十拾起，
來啊! 來啊，放雞鴨
雞仔鴨仔，走相拍。
十九 當當當補雨傘，
當當當，補雨傘，
大家眾人圍來看。
看甚乜，看海水，
海水淹大山，同阿騎馬去割菅，
割菅好佚佗，騎馬拜公婆。
公婆面憂憂，騎馬去福州。
福州福健健，騎馬去拍戰。
二十 圍火盆
年兜暝，圍火盆，
公擔金，媽擔銀；
老爸驚火熏，
老母笑紋紋；
阿兄跳火圈，
阿嫂燒著裙；
阿叔放炮乒乓叭，
暢煞一刮簡子孫。
拍鐵哥
拍鐵哥，引銅鑼。
銅三哥，四嬸婆。
拿交椅，挽仙桃，
仙桃甜，挽荔枝。
荔枝樹尾紅，呼狗咬丈人。
丈人走去椅，龜咬鱉。
鱉圇頭，草蜊土猴。
臭頭臭姑李
臭頭臭姑李，上山挽果籽。
倒來無米，無米煮沙，
無柴燃紙，無師公叫糊紙
無埭踮，四界倚。
請外婆
拍手哥，印銅鑼，
買豬骹，請外婆。
外婆無嘴齒，豬肚滾蓮籽。
蓮籽甜又甜，豆腐煮豆青。
豆青真幼嫩，外婆食阿笑吻吻。
嬰仔捂捂眠,
食人奶,搭人悃,
阿母去擔糞.擔糞來,
釣水雞,賊仔偷掠雞.
偷掠宮仔口,
褪衫褪褲掠虼蚤.
虼蚤公,撲撲跳,
虼蚤母,死翹翹.
當當當補雨傘
當當當，補雨傘，大家眾人圍來看。
看甚乜，看海水，
海水淹上山，同阿騎馬去割菅，
割菅好佚佗，騎馬拜公婆。
公婆面憂憂，騎馬去福州。
福州福健健，騎馬去拍戰
戽蝦戽蛟蚤
戽蝦戽蛟蚤，
戽仔三升兩米鬥。
大尾掠來科，
細尾放伊走。
西西西 西西西，莫西瓜，凸一下，凹一下， 切西瓜，你一塊，我一塊， 看誰是矮仔冬瓜。
放雞鴨 一放雞，二放鴨，三分開，四相疊， 五搭胸，六拍手，七圍墻，八摸鼻， 九揪耳，十拾起。
申明：本站發佈所有文章、圖片資源内容，如無特殊説明或標注，均爲采集或轉發網絡資源。如若本站所發之内容侵犯了原著者或所有權主體的合法權益，可聯絡本站刪除。
